امریکی ریاست نیو جرسی کے شہر پیٹرسن میں شدید بارش کے بعد سیلابی پانی تیزی سے پھیل گیا، جس کے نتیجے میں تقریباً 20 افراد کو ریسکیو کرنا پڑا۔
امریکی میڈیا کے مطابق پیٹرسن کے نشیبی علاقوں میں پانی بھرنے سے سڑکیں زیرِ آب آگئیں، جبکہ مارکیٹ اسٹریٹ کے قریب تیز بہاؤ نے ٹریفک کو بھی متاثر کیا۔ حکام نے شہریوں کو غیر ضروری سفر سے گریز اور زیرِ آب سڑکوں پر گاڑی نہ چلانے کی ہدایت کی ہے۔سیلابی صورتحال صرف پیٹرسن تک محدود نہیں رہی بلکہ نیویارک کے علاقے فلاشنگ، کوئنز میں بھی سڑکوں پر پانی جمع ہوگیا، جبکہ رائی شہر میں متعدد گاڑیاں پانی میں پھنس گئیں اور پلے لینڈ پارک وے بند کرنا پڑا۔تھری اسٹیٹ کے مختلف علاقوں میں اچانک سیلاب کی وارننگ اور نگرانی جاری ہے۔ حکام کے مطابق بارش کا سلسلہ دوپہر کے قریب کم ہونے کا امکان ہے، تاہم سوجے ہوئے آبی راستوں اور زیرِ آب علاقوں کے باعث شہریوں کو محتاط رہنے کی ہدایت کی گئی ہے۔