نیویارک کے میئر زہران ممدانی نے برونکس میں ٹریمونٹ ایونیو کے پہلے بس وے کی تعمیر کا آغاز کردیا، جس کا مقصد بس سروس کو تیز اور سڑکوں کو محفوظ بنانا ہے۔
منصوبے سے روزانہ تقریباً 39 ہزار مسافروں کو فائدہ ہوگا۔ ٹریمونٹ ایونیو پر بسیں رش کے اوقات میں بعض مقامات پر 5 میل فی گھنٹہ سے بھی کم رفتار سے چلتی ہیں۔نئے منصوبے کے تحت تقریباً ایک میل طویل بس وے اور اضافی بس لین بنائی جائے گی، جبکہ آٹھ خطرناک چوراہوں پر حفاظتی تبدیلیاں بھی کی جائیں گی۔ بس وے ہفتے کے ساتوں دن صبح 6 بجے سے رات 8 بجے تک فعال رہے گا۔حکام کے مطابق منصوبے سے بسوں کی رفتار اور قابلِ اعتماد سروس بہتر ہوگی، جبکہ پیدل چلنے والوں اور سائیکل سواروں کے لیے سڑکیں بھی محفوظ بنائی جائیں گی۔