نیویارک روڈ رنرز کے زیر اہتمام منعقد ہونے والی آر بی سی بروکلین ہاف میراتھن میں اس سال 29 ہزار سے زائد ایتھلیٹس نے حصہ لیا۔
یہ 13.1 میل طویل ریس پراسپیکٹ پارک سے شروع ہو کر مشہور کونی آئی لینڈ بورڈ واک پر اختتام پذیر ہوئی، جہاں مختلف عمر اور صلاحیتوں کے رنرز نے بھرپور جوش و جذبے کے ساتھ دوڑ مکمل کی۔منتظمین کے مطابق یہ ایونٹ 1981 سے بروکلین کی پہچان بن چکا ہے اور اب امریکہ کی بڑی ہاف میراتھنز میں شمار ہوتا ہے۔ تقریب میں بروکلین کے تقریباً 20 فیصد مقامی رنرز نے بھی حصہ لیا، جبکہ ایک ہزار سے زائد بچوں نے بھی خصوصی کڈز رن میں شرکت کی۔منتظمین کا کہنا ہے کہ یہ ریس صرف ایک مقابلہ نہیں بلکہ بروکلین کی ثقافت، توانائی اور کمیونٹی اسپرٹ کا جشن ہے، جو ہر سال شہر بھر سے شرکاء کو اپنی طرف کھینچتا ہے۔