نیویارک(ویب ڈیسک) نیویارک سٹی کے میئر ایرک ایڈمز نے الابانی قانون سازوں کی طرف سے نیویارک اسٹیٹ بجٹ میں ریاستی غیر رضاکارانہ کمیٹمنٹ کے قانون میں ترامیم کی منظوری کے ردعمل میں ایک بیان جاری کیا ہے۔
میئر ایرک ایڈمز نے کہا کہ "حال ہی میں سڑکوں اور سب ویز میں ذہنی بیماری کے بحران کو حل کرنے کے طریقوں پر کافی بحث ہوئی ہے اور میں ہمیشہ کہتا آیا ہوں کہ ضرورت مند افراد کو نظرانداز کرنے کے دن ختم ہو چکے ہیں۔ میئر نے کہا کہ وہ غیر رضاکارانہ کمیٹمنٹ کی زیادہ حمایت کے سب سے پہلے حامی تھے اور ان کی وکالت کے نتیجے میں ریاست نے ذہنی مریضوں کی مدد کے لیے نئے قوانین منظور کیے ہیں۔ ایڈمز نے کہا کہ اس نئے قانون کے مطابق اب کلینیکل عملے کو یہ واضح اختیار حاصل ہو گا کہ وہ ان افراد کو اسپتال منتقل کر سکیں گے جو بنیادی ضروریات پورا کرنے میں ناکام ہیں۔ انہوں نے کہا کہ یہ ایک اہم قدم ہے اور شہر کی سطح پر بے گھر افراد اور ذہنی بیماری کے شکار افراد کی مدد کے لیے شہر کی حکومت نے بڑے اقدامات کیے ہیں۔ انہوں نے مزید کہا کہ ہم نے گزشتہ تین سالوں میں بڑی کامیابیاں حاصل کی ہیں جیسے کہ 8,400 نیویارک کے شہریوں کو پناہ ملنا اور 1,400 سیف ہیون بیڈز کا آغاز، اور ہمیں مزید اصلاحات کی ضرورت ہے۔