نیویارک (ویب ڈیسک)نیویارک پولیس کمشنر جیسکا ٹش نے پولیس چیف کے خلاف جنسی اسکینڈل منظر عام پر آنے کے بعد پہلی بار لب کشائی کی ہے. ٹِش نے پولیس ہیڈ کوارٹر میں ترقی پانے والے افسران سے خطاب کرتے ہوئے کہا کہ محکمے میں جان بوجھ کر اور فیصلہ کن طور پرصفحہ پلٹا گیا۔کسی کو من مانی کی اجازت نہیں ہے ۔ہیڈکوارٹر میں موجود آپ سب پیشہ وار افسر ہیں اور آپ پر لازم ہے کہ احترام کا دامن ہاتھ سے نہ جائے اور لگن سے کام کریں ۔میرے دور میں صرف کام ہی ہوگا تاکہ محکمہ کی تعریف ہو۔ٹِش نے کہا کہ نیویارک پولیس ڈیپارٹمنٹ آپ سب کے ساتھ کھڑا ہے ۔محکمہ پولیس میں کسی بھی شخص کے لیےبہت حقیقی بہت پختہ توقعات ہیں اور یہی میرا معیار ہے۔ٹش نے سب پر واضح کیا کہ غیر گفت و شنید سے اجتناب کریں۔چیف آف ڈیپارٹمنٹ جیفری میڈری کے خلاف جنسی ہراسانی کا دعوی کرنی والی خاتون بھی منظر عام پر آگئی ہے ۔ان کا نام لیفٹیننٹ کوتیشا ایپس ہے۔انہوں نے ای ای او سی کو شکایت کی تھی کہ محکمہ پولیس میں اوور ٹائم رپورٹنگ کے طریقہ کار میں ہیرا پھیری کا ایک وسیع سکیم ہے یہ سکیم سابق پولیس کمشنر ایڈورڈ کبان کے دور سے چل رہا ہے ۔وہ کہتی ہیں کہ میڈری نے جون 2023 سے 16 دسمبر 2024 کے درمیان اوور ٹائم کے بدلے جذباتی اور مالی کمزوریوں کا فائدہ اٹھاکر ناپسندیدہ جنسی کام کرنے پر مجبور کرنے کی کوشش کی تو وہ میڈری کے دعوی سے پیچھے ہٹ گئیں۔ایپس میڈری کے دفتر میں ایک انتظامی عہدے پر فائز تھیں۔ایپس کا کہنا ہے کہ انہوں نے میڈری کی آفر کو رد کیا تو میڈری نےجوابی کارروائی کی کہ خاتون اوور ٹائم کی ادائیگی نہ ہونے پر بدسلوکی کر رہی ہے یہ میڈری کی جانب سے بہتان تھا اور محکمے کو ایپس کے خلاف جائزہ لینے کا اشارہ کیا گیا تھا۔شکایت درج ہونے کے بعد میڈری نے اچانک جمعے کے روز استعفیٰ دے دیا۔نیویارک پولیس کمشنر نے فورا استعفی منظور کیا اور چیف آف پیٹرول جان چیل کو محکمہ کا عبوری سربراہ بنادیا اور فلپ رویرا نے پیٹرول ڈویژن کے سربراہ کے طور پر فرائض سنبھالیے ہیں۔ٹش نے داخلی امور کے سربراہ میگوئل ایگلیسیاس کو بھی فارغ کردیا ان کی جگہ ایڈورڈ تھامسن کو عبوری سربراہ مقرر کیا۔