پاکستان میں فوج کا ریسکیو آپریشن، گلگت بلتستان میں نوجوان کی جان بچا لی۔ گلگت بلتستان میں پاک فوج کے بروقت بڑے ریسکیو آپریشن سے مدثر حسین کی جان بچ گئی۔26 سالہ مدثر حسین برزل پاس کے قریب اسکیئنگ کر رہا تھا کہ پھسل کر ایک ٹانگ دو جگہ سے فریکچر ہو گئی۔پاک آرمی کے جوانوں نے مدثر حسین کو ریسکیو کر کے منی مرگ میں واقع آرمی فیلڈ ہسپتال پہنچایا جہاں اسے ابتدائی طبی امداد فراہم کی گئی۔نوجوان کی ٹانگ دو جگہ سے ٹوٹی ہوئی تھی جس کے علاج کیلئے آرمی ہیلی کاپٹر کے ذریعے اسے سکردو پہنچایا گیا جہاں اس کی کامیاب سرجری کر دی گئی۔مدثر حسین کے والد نے پاک فوج کی بروقت مدد اور ریسکیو آپریشن کو بھرپور سراہا۔مدثرحسین کے والد کا کہنا تھا کہ اللہ تعالی آرمی کی جوانوں کو اپنے حفظ و امان میں رکھے اور کامیاب کرے۔