پاکستان کی مختصر فلم جامن کا درخت نے دنیا کے سب سے بڑے فلم کانزفیسٹیول میں ایوارڈ اپنے نام کرلیا۔ فلم کی کہانی عورت اور مرد کے تعلقات،ہراسانی، جنسی حملوں اور ہوس پرستی کے موضوعات کا احاطہ کرتی ہے۔فلم کے ہدایتکار رافع راشدی نے ویڈیو شیئرنگ پلیٹ فارم انسٹاگرام پر ایک پوسٹ میں اعلان کیا کہ اداکار عدنان صدیقی کے منفی کردار پر مبنی ان کی فلم جامن کا درخت نے فلم فیسٹیول کانز میں بہترین سماجی انصاف پر مبنی مختصر فلم کی کیٹگری کا ایوارڈ جیت لیا ہے۔ہدایتکار رافع راشدی نےاپنی پوسٹ میں کانز فیسٹیول میں ایوارڈ جیتنے پر فلم کی کاسٹ اور پوری ٹیم کو مبارکباد دی ہے۔مختصر فلم جامن کے درخت کا ٹریلر گزشتہ ماہ جنوری میں ریلیز کیا گیا تھا،میاں بیوی کے تعلقات اور گھریلو تشدد پر مبنی فلم کی کہانی بی گل نے لکھی ہے جبکہ فلم کو فیصل کپاڈیا نے پروڈیوس کیا ۔ فلم جامن کا درخت کی کہانی عورت اور مرد کے تعلقات، ہراسانی، جنسی حملوں اور ہوس پرستی کے موضوعات کا احاطہ کرتی ہے۔فلم میں عدنان صدیقی کو شوبز انڈسٹری کے نامور شخص کریم کے منفی کردار میں دکھایا گیا ہے۔ فلم کی کاسٹ میں عدنان صدیقی کے علاوہ ماہا طاہرانی اور فوزیہ امن بھی شامل ہیں۔