دنیا کا سب سے بڑا کروز شپ پہلے سفر پر روانہ ہوگیا

رائل کیریبین نامی کمپنی کے تحت تیار کیے گئے اس جہاز میں 7600 مسافروں اور عملے کے 2350 افراد کی گنجائش ہے۔ اس جہاز نے اپنا پہلا سفر امریکی ریاست فلوریڈا میں میامی کے ساحل سے شروع کیا ہے۔آئیکون آف دی سیز“ میں 6 واٹر سلائڈز، 7 سوئمنگ پول، ایک آئس اسکیٹنگ رِنک، ایک تھیٹر اور 40 سے زائد ریستوراں، شراب خانے اور لاؤنجز ہیں۔اس عظیم کروز شپ کا پہلا سفر سات دن کا ہے۔ یہ جہاز گزشتہ روز منگل کو عظیم فٹبالر لایونل میسی اور ان کے انٹر میامی ٹیم کے ساتھ دیگر ساتھیوں نے مل کر لانچ کیا تھا۔اس جہاز کو چلانے کے لیے 6 ایسے انجن ہیں جو دہرے ایندھن والے ہیں۔ ایل این جی متبادل ایندھن ہے۔انٹرنیشنل کاؤنسل فار کلین ٹرانسپورٹ میں میرین پروگرام کے ڈائریکٹر بریان کامر کا کہنا ہے کہ جہاز کو ایل این جی سے چلانے کا فیصلہ غلط ہے۔ اس سے ماحول کو نقصان پہنچے گا۔ میرین گیس آئل کے مقابلے میں 120 فیصد زائد نقصان دہ گیس خارج ہوگی۔ماہرین کا کہنا ہے کہ ماحول کو گرم کرنے کے حوالے سے میتھین گیس کا کردار کاربن ڈایوکسائڈ سے 80 گنا زیادہ ہے۔