شہری نے خراٹوں کی شکایت لے کر آنے والے پڑوسی کی جان لے لی

فلاڈیلفیا شہر سے تعلق رکھنے والے ایک شہری کو اپنے پڑوسی کو چاقو کے وار کر کے قتل کرنے کے الزام میں گرفتار کیا گیا ہے۔ 55 سالہ کرسٹوفر جیمز کا 62 سالہ رابرٹ والس کے ساتھ  خراٹوں پر طویل عرصے سے جھگڑا چل رہا تھا۔پولیس نے بتایا کہ کرسٹوفر جیمز نامی 55 سالہ شہری نے 62 سالہ رابرٹ والیس کو چاقو کے کئی وار کرکے قتل کیا۔ پولیس کا کہنا تھا کہ کرسٹوفر نے اپنے بیان میں بتایا کہ رابرٹ نے اسے ڈرایا یا دھمکایا نہیں تھا۔ دونوں کے درمیان کرسٹوفر کے خراٹوں کو لے کر جھگڑا رہتا تھا اور اس کی وجہ سے رابرٹ نے پولیس کو متعدد بار کالز بھی کیں۔کرسٹوفر نے پولیس کو مزید بتایا کہ رابرٹ تلخ کلامی کے دوران پرسکون دکھائی دیا اور معاملہ رفع کرنا چاہتا تھا۔ رابرٹ نے اسکے خراٹوں کو کم کرنے کے لیے ناک کی سرجری کے لیے اپنے پاس سے رقم ادا کرنے کی بھی پیشکش کی لیکن یہ سب اسے دھوکا لگ رہا تھا، اس لیے اس نے اس کا قتل کر دیا۔