پاک بحریہ اور عمان کی رائل بحریہ کی خلیج عمان میں دو طرفہ بحری مشق ثمرالطیب دوہزار تئیس اختتام پذیر ہو گئیں ۔مشق میں دونوں بحری افواج کے بحری جہازوں, فضائی اثاثوں اور اسپیشل سروس گروپس نے شرکت کی۔خلیج عمان میں پاک بحریہ اور عمان کی رائل بحریہ کی مشترکہ مشق اختتام پذیر ہو گئیں۔ترجمان پاک بحریہ کے مطابق مشق میں پاک بحریہ کے جہاز پی این ایس اصلت، فاسٹ اٹیک کرافٹ، پی این ایس قوت اور دونوں ممالک کے ہوائی اثاثوں نے حصہ لیا۔ مشق ثمرالطیب 2023 مختلف نوعیت کے روائتی اور غیر روائتی خطرات سے نمٹنے کیلئے مشترکہ آپریشنز پرمشتمل تھی۔ مشق ثمرالطیب سے پاکستان اور عمان کی بحری افواج کے مابین ہر دو سال بعد باقاعدگی سے منعقد کی جاتی ہے۔ترجمان پاک بحریہ کا کہنا ہے کہ مشق کا مقصد دونوں ممالک کے مابین باہمی تعاون کو فروغ دینے کے ساتھ ساتھ سمندر میں غیر قانونی سرگرمیوں کی روک تھام، علاقائی امن اور استحکام کا قیام ہے۔ اس مشق میں شمولیت پاک بحریہ کی جانب سے علاقائی استحکام، بین الاقوامی تعاون اور بحری صلاحیتوں کے فروغ کیلئے کیے گئے عزم کا منہ بولتا ثبوت ہے۔ مشق "ثمرالطیب”سے دونوں ممالک کے مابین مشترکہ نیول آپریشنز کو فروغ حاصل ہو گا۔
