روس نے یوکرین کے ساتھ صلح کیلئے شرط عائد کردی،روس نے کہا ہے کہ اگرمغرب یوکرین کو ہتھیار نہ دے تو یوکرین کے ساتھ صلح ہو سکتی ہے۔روس کے دفتر خارجہ کی ترجمان کا کہنا ہے کہ یوکرین کے ساتھ صلح اسی صورت میں ممکن ہو سکتی ہے کہ کییف سیاسی ارادہ رکھتا ہو اور اسے مغرب کی جانب سے مسلح نہ کیا جائے۔روس کے دفتر خارجہ کی ترجمان ماریا زاخا رووا نے کہا ہے کہ امن کے لئے یوکرین کو زمینی حقائق کو سمجھنا ہو گا۔انھوں نے کہا کہ یوکرین کو مسلح نہ کیا جائے تو امن کا راستہ ہموار ہو گا۔ماریا زاخا رووا نے کہا کہ ماسکو مذاکرات کے لئے آمادہ ہے مگر وہ یوکرین میں سیاسی ارادہ نہیں پاتا۔ جرمن چانسلر اولاف شولٹز نے آج کہا ہے کہ روس کے ساتھ جاری جنگ میں ان کا ملک یوکرین کی حمایت کرتا رہے گا اور وہ نہیں سمجھتے کہ روس یوکرین جنگ کا عنقریب خاتمہ ہو سکتا ہے۔