آسٹریلیا نے سنسنی خیز مقابلے کے بعد جنوبی افریقہ کو شکست دیکر فائنل میں پہنچ گیاہے ۔ورلڈکپ کے دوسرے سیمی فائنل میں 5 بار کی عالمی چیمپئن آسٹریلیا نے سنسنی خیز مقابلے کے بعد جنوبی افریقا کو 3 وکٹوں سے شکست دے کر 8 ویں بار فائنل کے لیے کوالیفائی کرلیا۔بھارت پہلے ہی سیمی فائنل میں نیوزی لینڈ کو شکست دے کر فائنل میں پہنچ چکا ہے، انڈین ٹیم نے چوتھی بار ورلڈکپ فائنل کے لیے کوالیفائی کیا ہے فائنل اتوار کو احمد آباد کے نریندر مودی اسٹیڈیم میں ہوگا جہاں بھارت اور آسٹریلیا کی کرکٹ ٹیمیں ورلڈکپ فائنل میں آمنے سامنے آئیں گی۔واضح رہے کہ اس سے قبل آسٹریلیا اور بھارت 2003 کے آئی سی سی ورلڈکپ کے فائنل میں مدمقابل آئے تھے جس میں آسٹریلیا نے کامیابی حاصل کی تھی