بھارتی ریاست مہاراشٹر میں چھترپتی سمبھاجی نگر کے ولوج انڈسٹریل ایریا میں ہاتھ کے دستانے بنانے والی کمپنی کے یونٹ میں آگ لگنے سے چھ مزدور جاں بحق ہو گئے ۔فیکٹری میں رات 2 بج کر 15 منٹ پر آگ لگی جس کے باعث وہاں سوئے ہوئے کچھ ملازمین جاگ گئے اور جان بچانے کے لیے بھاگے۔ بند فیکٹری کے احاطے میں سوئے ہوئے مزدوروں نے آگ لگنے کی اطلاع دی۔کمپنی کے ایگزٹ پوائنٹ پر آگ لگنے کے باعث مزدور باہر نہ آسکے، تاہم کچھ لوگ درختوں کا سہارا لے کر بحفاظت نکلنے میں کامیاب ہوگئے۔ پندرہ ملازمین کو بچا لیا گیا۔ آگ لگنے کی اطلاع ملتے ہی 6 فائر ٹینڈر موقع پر پہنچ گئے۔آگ لگنے کی وجہ ابھی تک معلوم نہیں ہوسکی ہے۔ زیادہ تر مزدور بہار کے رہنے والے ہیں اور مرنے والوں کی شناخت مشتاق شیخ ، کوثر شیخ ، اقبال شیخ کاکنجی، ریاض بھائی اور مغیث شیخ کے طور پر ہوئی ہے۔