برونکس کے تاریخی لوویز پیراڈائز تھیٹر کو اب "پیراڈائز پرفارمنگ آرٹس سینٹر” کا نام دے دیا گیا ہے، جہاں غیرمنافع بخش ادارہ 50 ملین ڈالر جمع کرکے اس تاریخی مقام کی بحالی کا منصوبہ رکھتا ہے۔
حکام کے مطابق 1929 میں تعمیر ہونے والا یہ 4 ہزار نشستوں پر مشتمل تھیٹر آج بھی اچھی حالت میں ہے اور اس کی سجاوٹ محفوظ ہے، جہاں برونکس کے پرانے رہائشی فلمیں، گریجویشن اور دیگر تقریبات دیکھ چکے ہیں۔ ادارے کے ایگزیکٹو ڈائریکٹر اسکاٹ پیرن کے مطابق ادارہ تھیٹر کو اس کی اصل حالت میں بحال کرنا چاہتا ہے، جس طرح لنکن سینٹر اور کارنیگی ہال موجود ہیں اسی طرح برونکس کو بھی ایسے مرکز کی ضرورت ہے۔ حکام کے مطابق یہ نیویارک کا دوسرا سب سے بڑا تھیٹر ہے، ریڈیو سٹی کے بعد۔ ادارے کے مینیجنگ ڈائریکٹر پیٹر مارٹن کے مطابق یہ ایک "ایٹموسفیرک تھیٹر” ہے جہاں چھت ستاروں سے جگمگاتی تھی اور بادلوں کا پروجیکشن ہوتا تھا، جسے بحال کرنے کا بھی منصوبہ ہے۔ ادارے کے مطابق 1930 کی دہائی میں یہاں کیب کیلووے جیسے فنکار ہارلم سے برونکس آتے تھے، اور وہی روایت دوبارہ زندہ کرنے کا ارادہ ہے۔