جرمنی میں مصنوعی ذہانت (Artificial Intelligence) کے شعبے میں اعلیٰ تعلیم حاصل کرنے کے خواہشمند طلبہ کے لیے ڈی اے اے ڈی زیوزے اسکول آف ایمبیڈڈ کمپوزٹ اے آئی (SECAI) اسکالرشپس 2026 کا اعلان کیا گیا ہے۔
یہ اسکالرشپس TU Dresden اور Leipzig University میں ماسٹرز پروگرام کرنے والے ملکی و غیر ملکی طلبہ کو دی جائیں گی۔ اس پروگرام کے تحت تقریباً 20 اسکالرشپس فراہم کی جائیں گی جن میں ماہانہ مالی معاونت شامل ہوگی تاکہ طلبہ اپنی تعلیمی اور رہائشی ضروریات پوری کر سکیں۔اس پروگرام کا مقصد اے آئی ریسرچ میں بین الاقوامی تعاون، تنوع اور جدت کو فروغ دینا ہے۔ اسکالرشپ کے ذریعے طلبہ کو جرمنی کی جدید ریسرچ سہولیات اور تعلیمی ماحول تک رسائی حاصل ہوگی۔درخواست دینے والے امیدواروں کے لیے ضروری ہے کہ ان کے پاس بیچلرز ڈگری میں بہترین تعلیمی ریکارڈ ہو اور وہ اے آئی یا متعلقہ شعبوں میں دلچسپی رکھتے ہوں۔درخواست جمع کرانے کی آخری تاریخ دو مراحل میں رکھی گئی ہے، پہلے مرحلے کی ڈیڈ لائن 19 مئی 2026 جبکہ دوسرے مرحلے کی 30 جون 2026 ہے۔ امیدواروں کو مشورہ دیا گیا ہے کہ وہ جلد درخواست دیں تاکہ داخلے اور ویزا کے عمل میں آسانی ہو۔اسکالرشپ حاصل کرنے والے طلبہ کو ماہانہ وظیفہ، ریسرچ نیٹ ورکس تک رسائی اور جرمنی کی دو بڑی جامعات میں تعلیم کا موقع دیا جائے گا۔