میئر زہران ممدانی نے وفاقی میڈیکیڈ کٹوتیوں سے تقریباً 9 لاکھ شہریوں کی صحت کوریج کو لاحق خطرے کے پیش نظر "ہیلتھ اینڈ افورڈایبلٹی ریسورس ٹیم” نامی نئی آؤٹ ریچ ٹیم شروع کرنے کا اعلان کیا ہے۔
حکام کے مطابق یہ ٹیم مالی سال 2027 کے بجٹ میں 3 ملین ڈالر کی سرمایہ کاری سے چلائی جائے گی، اور تربیت یافتہ کمیونٹی ہیلتھ ورکرز شہریوں کو صحت انشورنس، فوڈ اسٹیمپ، اسپتال بلز سے ریلیف اور رہائشی مدد تک رسائی میں معاونت دیں گے۔ میئر ممدانی نے کہا کہ صحت کی سہولت اور غذائیت کوئی سہولت نہیں بلکہ بنیادی ضرورت ہیں، اور وفاقی حکومت جہاں امیروں کیلئے ٹیکس کم کرکے سناپ اور میڈیکیڈ جیسی خدمات ختم کر رہی ہے، وہیں شہری انتظامیہ براہ راست کمیونٹیز تک مدد پہنچا رہی ہے۔ حکام کے مطابق یکم جنوری 2027 سے نافذ ہونے والی نئی وفاقی میڈیکیڈ ورک شرائط کے باعث تقریباً 9 لاکھ شہری کوریج کھو سکتے ہیں، اسی لیے یہ ٹیم خاص طور پر ان شہریوں تک پہنچے گی جو پہلے ہی سناپ کی سہولت کھو چکے ہیں۔ حکام کے مطابق ٹیم کے کمیونٹی ہیلتھ ورکرز 13 زبانیں بولتے ہیں، اور انہیں وفاقی تبدیلیوں، ثقافتی مہارت اور کمیونٹی رابطے کی خصوصی تربیت دی گئی ہے۔ حکام کے مطابق اس سے قبل انتظامیہ 35 ہزار سے زائد طبی فراہم کنندگان اور 60 ہزار کمیونٹی و مذہبی اداروں تک رہنمائی پہنچا چکی ہے۔