کینسر ریسرچ یوکے مانچسٹر انسٹی ٹیوٹ نے 2027 کیلئے جلد کے کینسر اور عمر رسیدگی سے متعلق تحقیق پر پی ایچ ڈی کی اسکالرشپ کا اعلان کیا ہے، جس میں امیدوار میلانوما اور مدافعتی نظام پر عمر کے اثرات کا جائزہ لیں گے۔
ادارے کے مطابق یہ تحقیقی منصوبہ، جس کا عنوان "ایجڈ امیون فیلیئر اینڈ ریورسل” ہے، اس بات کا جائزہ لے گا کہ عمر بڑھنے سے جسم میں چکنائی کی ساخت کیسے بدلتی ہے اور یہ تبدیلی مدافعتی نظام کی کینسر پہچاننے کی صلاحیت کو کیسے متاثر کرتی ہے۔ پروفیسر اماریا ویروس اس تحقیق کی نگرانی کریں گی، جبکہ ڈاکٹر جوناتھن ورباۓ شریک نگران ہوں گے۔ ادارے کے مطابق یہ اسکالرشپ مانچسٹر یونیورسٹی میں اکتوبر 2027 سے شروع ہوگی۔ اہلیت کیلئے امیدوار کے پاس متعلقہ شعبے میں فرسٹ کلاس یا کم از کم اپر سیکنڈ کلاس آنرز ڈگری ہونا ضروری ہے، جبکہ ماسٹرز یا کینسر سے متعلق لیبارٹری تجربہ اضافی خوبی سمجھا جائے گا، تاہم لازمی شرط نہیں۔ دلچسپی رکھنے والے امیدواروں کو ادارے کے سرکاری پورٹل کے ذریعے آن لائن درخواست دینا ہوگی، جس کی آخری تاریخ 6 نومبر 2026 شام 5 بجے مقرر کی گئی ہے۔