سعودی وزارتِ دفاع کی جانب سے ’’عسکری ورثے کے تحفظ اور دستاویز بندی کی اہمیت‘‘ کے عنوان سے کانفرنس کے تحت ایک خصوصی سیشن کا انعقاد کیا گیا، جس میں عسکری ورثے کی تاریخی اہمیت اور اسے محفوظ رکھنے کی ضرورت پر روشنی ڈالی گئی۔
سعودی وزارتِ دفاع کے زیرِ اہتمام کانفرنس کے سلسلے میں ’’عسکری ورثے کے تحفظ اور دستاویز بندی کی اہمیت‘‘ کے عنوان سے ایک خصوصی اور معلوماتی سیشن منعقد ہوا۔سیشن کے دوران عسکری ورثے کو ریاست کی تاریخ اور اس کے تاریخی سفر کو محفوظ رکھنے کا اہم ذریعہ قرار دیا گیا۔شرکاء نے اس بات پر زور دیا کہ عسکری تاریخ سے وابستہ دستاویزات، روایات اور قومی کامیابیوں کو محفوظ رکھنا آنے والی نسلوں کے لیے نہایت ضروری ہے۔مقررین کے مطابق عسکری ورثے کا تحفظ نئی نسل کو اپنی تاریخ سے آگاہ کرنے کے ساتھ ساتھ قومی کامیابیوں پر فخر اور وطن سے وابستگی کے جذبات کو بھی مزید مضبوط بناتا ہے۔