امریکی شہر نیویارک کے علاقے برونکس میں ایک اسٹور پر اسلحے کے زور پر ڈکیتی کی واردات کے بعد پولیس نے دو مشتبہ ملزمان کی تلاش شروع کر دی۔
پولیس کے مطابق واقعہ شام تقریباً 6 بج کر 51 منٹ پر گرینڈ کانکورس میں واقع ایک اسٹور میں پیش آیا، جہاں دو مسلح افراد نے 45 سالہ شخص کو اسلحہ دکھا کر اس کی گاڑی کی چابیاں اور زیورات چھین لیے۔واردات کے بعد دونوں ملزمان مغربی سمت ویسٹ 140ویں اسٹریٹ کی جانب فرار ہوگئے۔ پولیس کے مطابق واقعے میں کوئی شخص زخمی نہیں ہوا۔حکام نے بتایا کہ دونوں مشتبہ افراد کی عمریں 18 سے 25 سال کے درمیان ہیں اور ان کا رنگ سانولا ہے۔ ایک ملزم نے سرمئی لباس اور سیاہ چہرہ پوش، جبکہ دوسرے نے مکمل سیاہ لباس اور سیاہ چہرہ پوش پہن رکھا تھا۔پولیس نے واقعے سے متعلق معلومات رکھنے والے افراد سے اپیل کی ہے کہ وہ فوری طور پر متعلقہ حکام سے رابطہ کریں۔