پاکستان مشن کی نئی جدید ویب سائٹ کا افتتاح

نیویارک:اقوام ِ متحدہ  میں  پاکستان کے مستقل  مندوب منیر اکرم نے پاکستان مشن کی نئی، جدید ویب سائٹ کا افتتاح کردیا۔مشن میں منعقدہ ایک تقریب میں، اقوام متحدہ میں پاکستان کے مستقل مندوب نے لانچ بٹن دبا کر سائٹ کا افتتاح کیا۔اپنے مختصر بیان میں سفیر منیر اکرم نے کہا کہ نئی، صارف دوست ویب سائٹ اقوام متحدہ میں پاکستان مشن کے کام کو موثر طریقے سے پھیلانے میں نمایاں کردار ادا کرے گی ۔ انہوں نے ڈیجیٹل اسپیسزمیں پیغام رسانی کے لئے جدید تکنیکی وسائل کے استعمال کی اہمیت پر زور دیا۔سفیر منیر اکرم نے سیگنس میڈیا کے سی ای او احمد ہاشم اور ان کی ٹیم کی تعریف کی جنہوں نے ویب سائٹ کو بلا معاوضہ تیار کرنے میں اپنی محنت اور لگن کا مظاہرہ کیا۔ اس سے قبل، احمد ہاشم نے مستقل مندوب کو ویب سائٹ کی اہم خصوصیات کے بارے میں بریفنگ دی۔نئی ویب سائٹ سفارتی ڈیجیٹل موجودگی کے لئے ایک معیار قائم کرتی ہے اور جدید ڈیزائن کے اصولوں کے ساتھ صارف کے تجربے کو ترجیح دیتی ہے۔اس  ویب سائٹ میں 100 سے زیادہ زبانوں میں فوری ترجمہ، عالمی مواصلات اور تفہیم کو فروغ دینا،جامع آرکائیو ،پریس ریلیز اور سرکاری بیانات پر مشتمل ایک تلاش کے قابل آرکائیو، جو تاریخی سفارتی وسائل تک بے مثال رسائی فراہم کرتا ہے۔ ریئل ٹائم سوشل میڈیا انضمام: وزیٹرز کو تازہ ترین اپ ڈیٹس اور مشغولیت  کے مواقع کے ساتھ باخبر رکھنے کو یقینی بنانا۔جدید ریسپانسیو ، تمام ڈیوائسز پر بہترین دیکھنے کے تجربات کو یقینی بنانا ہے۔ڈپٹی مستقل نمائندہ عثمان جدون اور مشن کے دیگر افسران بھی اس تقریب میں موجود تھے۔