نیویارک سٹی کے میئر ایرک ایڈمز کی  جون ٹینتھ پرچم کشائی کی تقریب میں شرکت

نیویارک سٹی کے میئر ایرک ایڈمز کا کہنا ہے کہ جون ٹینتھ صرف غلامی کے خاتمے کا دن نہیں بلکہ یہ آزادی، مساوات اور انصاف کی علامت بھی ہے۔ یہ دن ہمیں یاد دلاتا ہے کہ ہمیں ہمیشہ ان اصولوں کے لیے کام کرنا چاہیے۔جون ٹینتھ، 19 جون کو منایا جانے والا دن، امریکہ میں غلامی کے خاتمے کی علامت ہے اور اس دن کی مناسبت سے مختلف تقریبات منعقد کی جاتی ہیں۔جون ٹینتھ کی مناسبت سے پرچم کشائی کی تقریب میں شرکت کے  موقع پر اپنے خیالات کا اظہار کرتے ہوئے مئیر ایڈمز نے کہا کہ یہ دن امریکہ کی تاریخ میں ایک اہم سنگ میل کی یاد دلاتا ہے جب 1865 میں گیلویسٹن، ٹیکساس میں غلاموں کو آزادی کی خبر ملی۔انہوں نے کہا کہ جون ٹینتھ صرف غلامی کے خاتمے کا دن نہیں بلکہ یہ آزادی، مساوات اور انصاف کی علامت بھی ہے۔ یہ دن ہمیں یاد دلاتا ہے کہ ہمیں ہمیشہ ان اصولوں کے لیے کام کرنا چاہیے۔میئر ایڈمز نے نسلی انصاف اور مساوات کے لیے اپنی کمٹمنٹ کا اعادہ کیا اور کہا کہ ان کی انتظامیہ نسلی تعصب کے خلاف اور مساوات کے فروغ کے لیے بھرپور کوششیں جاری رکھے گی۔انہوں نے اس بات پر بھی زور دیا کہ کمیونٹی کی خدمات اور تعاون کے بغیر ان مقاصد کا حصول ممکن نہیں ہے۔ انہوں نے کمیونٹی کے تمام افراد کو دعوت دی کہ وہ مل کر کام کریں اور ایک بہتر اور مساوی معاشرہ تشکیل دیں۔میئر ایڈمز نے کہا کہ اگرچہ ہم نے بہت سے مسائل پر قابو پا لیا ہے، مگر ابھی بھی بہت کام باقی ہے۔ انہوں نے سب کو متحد ہو کر آگے بڑھنے اور انصاف و مساوات کے راستے پر چلنے کی تلقین کی۔جون ٹینتھ کی پرچم کشائی کی تقریب نہ صرف تاریخی واقعات کی یاد دہانی کراتی ہے بلکہ موجودہ دور میں بھی ان اصولوں کی اہمیت کو اجاگر کرتی ہے جن پر ایک منصفانہ اور مساوی معاشرہ قائم کیا جا سکتا ہے۔ میئر ایڈمز کے ریمارکس نے اس عزم کو مزید مستحکم کیا کہ نیویارک سٹی ان اصولوں کے فروغ کے لیے ہمیشہ کوشاں رہے گا۔