پاکستان کو بطور دنیا کا بہترین سیاحتی ملک متعارف کروانے کے لیے قومی سیاحتی برانڈ سلام پاکستان کے بینر تلے نیویارک میں واقع جیکب جیوٹس کنونشن سینٹر میں دو روزہ ٹریول اینڈ ایڈونچر شو ہفتہ 27 جنوری سے شروع ہورہا ہے جو اتوار کی شام 4 بجے تک جاری رہے گا۔ پاکستان میں گلگت بلتستان کے وزیر برائے سیاحت غلام محمداور وزیر برائے منصوبہ بندی راجہ ناصر علی ہفتے کی صبح 10 بجے ربن کاٹ کرشو کا باقائدہ افتتاح کریں گے۔ ٹریول اینڈ ایڈونچر شو کے انعقاد میں پاکستان ٹوئرازم ڈیولپمنٹ کارپوریشن، ٹریڈ ڈیولپمنٹ اتھارٹی آف پاکستان سمیت بین الصوبائی محکمہ سیاحت اور نجی شعبوں کا اشتراک شامل ہے ۔