نیویارک کے علاقے برانکس میں موجود برانکس زو لوگوں کو اپنے سابق پارٹنرز سے بدلہ لینے کیلئے ماڈاگیسکر کاکروچ کو ان کے نام سے منسوب کرنے کی پیشکش کرتا ہے۔یہ چڑیا گھر 15 ڈالر کے عوض لوگوں کو لال بیگوں کا نام اپنے سابق پارٹنر کے نام سے منسوب کرنے کا موقع فراہم کر رہا ہے۔ یہاں تک کہ اس پیشکش میں ایک رنگین سرٹیفکیٹ بھی شامل ہے جو آپ کے سابق پارٹنر کو ای میل کیا جائے گا جس میں انہیں اطلاع دی جائے گی کہ ایک ماڈاگیسکر کاکروچ کا نام ان کے اعزاز میں رکھ دیا گیا ہے۔ ایک ٹویٹ میں برانکس زو نے پیشکش کا اعلان کرتے ہوئے لکھا کہ ویلنٹائن ڈے آنے والا ہے۔ اور ایک تحفہ ایسا ہے جسکی 6 ٹانگیں ہیں۔ اپنے پیاروں کے نام پر برونکس چڑیا گھر کے ماڈاگیسکر کاکروچ کا نام رکھیں۔چڑیا گھر کی پیشکش 2011 میں شروع کی گئی تھی جس میں کچھ لوگوں نے برانکس زو کے لال بیگوں کا نام اپنے سابق پارٹنر یا سسرال والوں کے نام پر رکھا ۔
