وسطی چین کے صوبے ہنان میں ایک سکول کی ہاسٹل میں آتشزدگی کے واقعے میں 13 افراد جھلس گئے ۔چینی سرکاری میڈیا کے مطابق ہنان کے علاقے یشاپو کے سکول میں جمعے کی شب آگ لگنے کا واقعہ پیش آیا جس میں 13 افراد جھلس گیا، جبکہ ایک شخص جھلس کر زخمی ہوگیا۔چینی حکام کے مطابق جھلس کر زخمی ہونے والے شخص کو طبی امداد دی جا رہی ہے، مقامی حکام نے واقعے کی تحقیقات شروع کر دی ہیں جبکہ سکول سے منسلک ایک شخص کو گرفتار کیا گیا ہے۔رپورٹ کے مطابق چینی حکام کی جانب سے تاحال یہ وضاحت نہیں دی گئی ہے کہ جھلس جانے والے افراد میں بچوں کی کتنی تعداد شامل ہیں۔چین میں حفاظتی اقدامات پر عمل درآمد میں کوتاہی کے باعث آتشزدگی اور دیگر مہلک واقعات کا پیش آنا معمول کی بات ہے۔گزشتہ سال نومبر میں صوبہ شانشی میں واقع ایک کوئلے کی کمپنی میں آگ لگنے کا واقعہ پیش آیا تھا جس میں 26 افراد جاں بحق اور متعدد زخمی ہوئے تھے۔اسی طرح جولائی میں بھی ایسا ہی ایک واقعہ پیش آیا تھا جب چین کے شمال مشرقی علاقے میں سکول کے جِم کی چھت گرنے سے 11 افراد جان کی بازی ہار گئے تھے۔