نیٹو کے سیکریٹری جنرل جینز اسٹولٹن برگ نے اعتراف کیا ہے کہ یوکرین کی جنگ انتہائی مشکل ہوچکی ہے۔ڈیووس میں ورلڈ اکنامک فورم سے خطاب میں نیٹو سربراہ کا کہنا تھا کہ روس کو کسی صورت کم نہیں سمجھنا چاہیے۔ اس وقت یوکرین میں میدان جنگ کی صورتحال یوکرین افواج کے لیے کافی کٹھن ہے۔جینز اسٹولٹن برگ کا کہنا تھا کہ کئی محاذ ایسے ہیں جہاں سے روسی فوج آگے بڑھ رہی ہے۔ روس منظم ہورہا ہے اور اس کی افواج سخت قوت سے آگے بڑھ رہی ہیں۔ اس پر کافی سنجیدگی سے غور کرنا چاہیے اور روس کو کم نہیں سمجھنا چاہیے۔انھوں نے تسلیم کیا کہ یقیناً گزشتہ موسم گرما میں یوکرینی فوج نے جو بڑا حملہ شروع کیا تھا، اس نے وہ نتائج نہیں دیے جس کی ہم سب کو توقع تھی۔