عرب ریاستیں طویل المدتی حل کے بغیر غزہ کی تعمیرِنو کی خواہشمند نہیں،امریکی وزیر خارجہ

امریکی وزیر خارجہ انٹونی بلنکن نے کہا ہے کہ فلسطین کا مسئلہ حل کرنا ہوگا۔ فلسطینیوں کی ریاستی حیثیت کیلئے جدوجہد کو حل کرنے کی ضرورت ہے۔امریکی وزیرخارجہ انٹونی بلنکن کا کہنا تھا کہ عرب ممالک یہ کہہ رہے ہیں کہ دیکھو، ہم اس معاملے میں شامل نہیں ہوں گے، ایسا نہیں ہو سکتا کہ آپ غزہ کو ایک یا 5 سال کیلئے تعمیر کریں اور پھر وہی سب، یعنی بعد میں دوبارہ تعمیرِ نو ۔وزیر خارجہ شہزادہ فیصل بن فرحان آل سعود نے کہا ہے کہ فلسطین کا مسئلہ حل ہونے کی صورت میں سعودی عرب اسرائیل کو تسلیم کر سکتا ہے۔یہ پوچھے جانے پر کہ کیا سعودی عرب فلسطینی تنازع کے حل کے بعد اسرائیل کو وسیع معاہدے کے حصے کے طور پر تسلیم کر سکتا ہے؟ تو سعودی عرب کے وزیر خارجہ نے جواب دیا "یقینی طور پر۔”ریپبلکن سینیٹر لنڈسے گراہم کا کہہ چکے ہیں کہ اگر اسرائیل سعودی عرب کے ساتھ تعلقات کو معمول پر لانا چاہتا ہے تو اسے دو ریاستی حل کو قبول کرنا ہوگا۔انہوں نے کہا کہ ہمارے پاس دو آپشن ہیں: موت کے چکر کو جاری رکھیں یا 7 اکتوبر کو تبدیلی کے طور پر استعمال کریں۔نیتن یاہو نے اس بات پر فخر کا اظہا کیا کہ انہیں فلسطینی ریاست کے قیام کو روکنے پر فخر ہے اور انہوں نے اوسلو معاہدے کو ایک عبرتناک غلطی قرار دیا۔