بھارت کی ریاست بہار کے شہر موتیہاری میں ہوائی جہاز پُل کے نیچے پھنس گیا اور اسے دیکھنے کیلیے شہری کثیر تعداد میں جمع ہو گئے۔سوشل میڈیا پر گردش کرتے ایک ویڈیو کلپ میں صارفین یہ دیکھ کر حیران رہ گئے کہ ایک مسافر طیارہ پُل کے نیچے پھنسا ہوا ہے۔ناکارہ طیارے کو ریاست آسام سے بہار منتقل کیا جا رہا تھا۔ گاڑیوں کی مدد سے کھینچ کر اسے ایک پُل کے نیچے سے گزارنے کی کوشش کی گئی لیکن وہ پھنس گیا۔ اس کے باعث ٹریفک کی روانی بھی متاثر ہوئی۔شہریوں کی بڑی تعداد یہ خبر ملتے ہی موقع پر پہنچی اور اس منظر کی ویڈیوز بنا کر سوشل میڈیا پر اپلوڈ کر دیں جو دیکھتے ہی دیکھتے وائرل ہوگئیں۔گزشتہ سال ریاست آندھرا پردیش میں بھی اسی طرح کا ایک واقعہ پیش آیا تھا جب طیارے کو انڈر پاس سے گزارنے کی کوشش کی گئی تھی لیکن وہ پھنس گیا تھا۔طیارے کو کوچی سے حیدر آباد منتقل کیا جا رہا تھا۔