ڈونلڈ ٹسک پولینڈ کے وزیر اعظم منتخب ہوگئے، یورپی یونین کی حامی جماعتوں کے اتحاد کی طرف سے قومی انتخابات جیتنے کے تقریباً دو ماہ بعد ٹسک وزیر اعظم منتخب ہوئے۔پولینڈ کی پارلیمنٹ نے سنٹرسٹ پارٹی کے رہنما ڈونلڈ ٹسک کو وزیر اعظم منتخب کر لیا ہے، جس نے آٹھ سال کی قومی قدامت پسند حکمرانی کے بعد نئی یورپی یونین نواز حکومت کی راہ ہموار کر دی ہے۔ٹسک کو قومی انتخابات کے تقریباً دو ماہ بعد وزیراعظم منتخب کیا گیا جو بائیں بازو سے لے کر اعتدال پسند قدامت پسند جماعتوں کے اتحاد نے جیتا تھا۔پارٹیاں الگ الگ ٹکٹوں پر انتخاب لڑیں لیکن جمہوری معیارات کی بحالی اور اتحادیوں کے ساتھ تعلقات کو بہتر بنانے کے لیے ٹسک کی قیادت میں مل کر کام کرنے کا وعدہ کیا۔پیر کو پارلیمنٹ کے 460 نشستوں والے ایوان زیریں میں ٹسک کی حمایت میں 201-248 ووٹ پڑے۔ٹسک کا انتخاب اس وقت ہوا ہے جب سابق وزیر اعظم میٹیوز موراویکی کی حکومت پیر کو پارلیمنٹ میں اعتماد کا ووٹ کھو بیٹھی تھی۔