پاکستان نیوی نے بحیرہ عرب میں ایک کامیاب کارروائی کے دوران تقریباً ایک ارب ڈالر مالیت کی منشیات پکڑ لی۔
امریکی سینٹرل کمانڈ کے مطابق یہ آپریشن سعودی قیادت میں قائم مشترکہ ٹاسک فورس 150 سے منسلک پی این ایس یرموک نے کیا۔ محض 48 گھنٹوں میں دو مشتبہ کشتیوں سے دو ٹن کرسٹل میتھ، 350 کلوگرام آئس اور 50 کلوگرام کوکین برآمد کی گئی جن کی مجموعی مالیت 97 کروڑ 24 لاکھ ڈالر بنتی ہے۔ امریکی سینٹرل کمانڈ اور سعودی رائل نیوی کے کمانڈر فہد الجوید نے اس کارروائی کو عالمی تعاون کی شاندار مثال قرار دیا اور پاک بحریہ کی پیشہ ورانہ صلاحیتوں کو سراہا۔