نیویارک:ڈونلڈ ٹرمپ نیویارک کے ایک کامیاب بزنس مین اور شہرت رکھتے ہیں اور ٹرمپ نے انتخابات میں تاریخی کامیابی حاصل کی ہے۔ٹرمپ آج جمعرات کو نیویارک اسٹاک ایکسچینج کی افتتاحی گھنٹی بجائیں گے کیونکہ انہیں ٹائم میگزین کا سال کا بہترین شخص بھی نامزد کیا گیا ہے۔ ٹرمپ کی جمعرات کووال اسٹریٹ پر آمدمتوقع ہے اور آج جمعرات کو ہی 2024 پرسن آف دی ایئر کے طور پر بھی اعلان کیا جائے گا۔تجزیہ کاروں کا کہنا ہے کہ یہ ٹرمپ کے لیے ایک قابل فخر لمحہ ہوگا جو ایک پیدائشی اور نسل کا نیویارکر ہے جس نے اسٹاک مارکیٹ کو عوامی منظوری کا ایک پیمانہ سمجھا ہے اور نیویارک کی کاروباری دنیا میں اپنی کامیابی کے طویل عرصے سے قابلِ قدر نشانیاں چھوڑی ہیں۔ٹائمز میگزین کے پہلے صفحے پر نمودار ہونا اعزاز کی بات ہے۔ٹرمپ کو 2016 میں میگزین کا پرسن آف دی ایئر نامزد کیا گیا تھا جب وہ پہلی بار وائٹ ہاؤس کے لیے منتخب ہوئے تھے۔ وہ پہلے ہی نائب صدر کملا ہیرس، ایکس کے مالک ایلون مسک، اسرائیلی وزیر اعظم بینجمن نیتن یاہو اور ویلز کی شہزادی کیٹ کے ساتھ اس سال کے ایوارڈ کے فائنلسٹ کے طور پر منتخب ہو چکے تھے۔میگزین کے ترجمان نے بیان جاری کیا کہ ٹائمز اشاعت سے قبل کسی قسم کا تبصرہ نہیں کرتا ہے۔گھنٹی کا بجنا امریکی سرمایہ داری کی ایک طاقتور علامت ہے اور اس پر نیویارک کی تصویر کا ایک اچھا موقع ہے۔یہ واضح نہیں کہ آیا ٹرمپ نیویارک کے میئر ایرک ایڈمز سے ملاقات کریں گے کیونکہ مئیر ایڈمز ٹرمپ کے لیے گرمجوشی ظاہر کرچکے ہیں ۔ٹرمپ خود کبھی نیویارک میں زیادہ وقت گزرتے تھے پھرانہوں نے مین ہٹن میں اپنے نام کے ٹرمپ ٹاور میں کل وقتی رہنا ترک کر دیا اور وائٹ ہاؤس چھوڑنے کے بعد فلوریڈا چلے گئے تھے۔