شہر میں جرائم کی وارداتیں کم نہ ہو سکیں،متعدد شہری لٹ گئے

نیویارک(ویب ڈیسک)نیویارک میں چھینا جھپٹی کی وارداتوں میں کمی نہ آسکی۔کئی شہری اپنی قیمتی اشیاء سے ہاتھ دھو بیٹھے ہیں۔ نیو یارک پولیس نے ملزمان کی تصاویر جاری کرتے ہوئے عوام سے مدد طلب کی ہے۔ نیویارک پولیس تھانہ نمبر 52 کی حدود میں 2227 یونیورسٹی ایوینیو کے سامنے ایک نا معلوم شخص 28 سالہ MTA بس ڈرائیور پر حملہ کر کے فرار ہوگیا۔تھانہ نمبر 109 کی حدود میں نارتھرن بولیورڈ اور 150^th اسٹریٹ پر ایک نامعلوم شخص نے 53 سالہ متاثرہ آدمی سے کرنسی ایکسچینج کے لیے ملاقات کی اور اسلحے کے زور پر نقدی بیگ چھیننے کی کوشش کی اور ناکام ہونے پر فرار ہوگیا۔  تھانہ نمبر 47 کے حدود میں ایسٹ 219^th اسٹریٹ اور وائٹ پلینز روڈ پر ایک نامعلوم شخص 13 سالہ لڑکے سے موبائل اور نقدی چھین کر فرار ہوگیا۔تھانہ نمبر 49 کی حدود میں 2430 ایسپلانیڈ ایوینیو پر ایک نامعلوم شخص 22 سالہ لڑکے سے موبائل اور ہیڈفون چھین کر فرار ہوگیا، واقعے کی فوٹیج سی سی ٹی وی کیمرہ میں محفوظ ہوگئی۔دوسری طرف تھانہ نمبر 43 کا عملہ 72 سالہ گمشدہ ہسپانوی خاتون کو تلاش کررہا ہے۔