امریکا کی ریاست جارجیا کے ایک سنیما کی مرمت کے دوران ایک 65 سال پرانا بٹوا برآمد ہوا ہے جسے دیکھ کر مزدور حیران رہ گئے۔بین الاقوامی میڈیا کی رپورٹ کے مطابق یہ واقعہ جارجیا کے شہر اٹلانٹا میں پیش آیا۔رپورٹ میں بتایا گیا ہے کہ سینما کی مرمت کے دوران مزدوروں کو جو بٹوا ملا اُنہوں نے اسے سنیما کے مالک کے حوالے کر دیا۔اس حوالے سےسینما کے مالک کا کہنا ہے کہ جس جگہ سے یہ گمشدہ بٹوا ملا وہ سابق منیجر کے دفتر سے ملحق گمشدہ چیزوں کا ڈیپارٹمنٹ تھا جو برسوں پہلے سینما میں کی گئی مرمت کے دوران چھپ گیا تھا اسی لیے اتنے برسوں تک یہاں کسی کا دھیان نہیں گیا۔اُنہوں نے بتایا کہ اس بٹوے سے کچھ تاریخی سامان ملا ہے جس کی وجہ سے اس کے مالک کی تلاش کرنے میں مدد ملی اور سوشل میڈیا کے ذریعے اسے تلاش کیا گیا۔کرس ایسکوبار نے بتایا کہ اس بٹوے کی مالکن کا نام فلوئے کلبریتھ ہے جن کا 2005ء میں 87 برس کی عمر میں انتقال ہو چکا ہے لیکن ہم نے ان کا بٹوا ان کی بیٹی چیمبرلین کے حوالے کر دیا ہے ۔