امریکی جنگی طیارہ ایف 16جنوبی کوریا میں گر کر تباہ

امریکی ایئر فورس کا جنگی ایف 16 طیارہ جنوبی کوریا کے ساحل کے قریب گر کر تباہ ہوگیا۔امریکا کے جنگی طیارے کو حادثہ پیش آیا ہے،حادثے میں طیارے کا پائلٹ محفوظ رہا۔رپورٹس میں بتایا گیا ہے کہ طیارہ امریکی ایئربیس کے قریب گرا، اس حوالے سے امریکی فوجی حکام کی جانب سے کوئی بیان سامنے نہیں آیا ہے۔اس سے قبل جاپان کے جزیرے یاکوشیما کے قریب امریکی جنگی طیارہ سمندر میں گر کر تباہ ہوگیا تھا،طیارے میں8 افراد سوار تھے۔رپورٹس کے مطابق علاقائی کوسٹ گارڈ کے ترجمان کا کہنا تھا کہ طیارہ جزیرے یاکوشیما کے قریب سمندر میں گر کر تباہ ہوا تھا۔