وسطی ٹینیسی میں طوفان اور شدید ترین موسم نے تباہی مچا دی، خوف ناک بگولوں نے متعدد گھروں کو تباہ کر دیا، اور مختلف حادثات میں کم از کم چھ افراد جاں بحق ہو گئے، جن میں سے تین کی اموات نیش وِل میں ہوئیں۔مقامی انتظامیہ کے مطابق ٹورنیڈو کے باعث درجنوں مکانات تباہ ہو گئے ہیں اور مختلف علاقوں میں بجلی کا نظام درہم برہم ہو گیا۔ ویڈیو میں دیکھا جا سکتا ہے کہ بگولے سے زبردست دھماکا ہوا۔بگولوں سے متعدد شہروں میں گھروں اور کاروبار کو نقصان پہنچا، مختلف علاقوں کے فائر ڈپارٹمنٹس اور کاؤنٹی حکام کی جانب سے سوشل میڈیا پر تصاویر بھی پوسٹ کی گئیں جن سے مکانات کو ہونے والے نقصانات کا اندازہ ہوتا ہے۔ریاستی دارالحکومت نیش وِل سے 30 میل مغرب میں واقع ڈکسن کاؤنٹی کی پولیس کا کہنا تھا کہ کاؤنٹی کے شمالی حصے میں کئی علاقوں میں نقصان ہوا ہے، طوفان اور بگولوں میں درخت اور بجلی کی لائنیں گر گئیں اور سڑکیں بند ہو گئیں۔
