نیو یارک:سٹی ہال اور گریسی مینشن میں پرائڈ منتھ کی مناسبت سے  نئی تنصیبات کی نقاب کشائی

میئر ایڈمز نے سٹی ہال اور گریسی مینشن میں پرائڈ منتھ منانے کے لیے نئی تنصیبات کی نقاب کشائی کی ہے۔ یہ تنصیبات ایل جی بی ٹی کیو پلس  کمیونٹی کی تاریخ، ثقافت، اور کامیابیوں کو تسلیم اور ان کی عزت کرتی ہیں۔ نیویارک سٹی کے میئر ایرک ایڈمز سٹی ہال روٹونڈا اور گریسی مینشن میں ایل جی بی ٹی کیو آئی اے پلس کمیونٹی کا جشن منانے والی تصویری تنصیبات کی نقاب کشائی کی۔ سٹی ہال روٹونڈا میں، ہیٹ رک مارٹن انسٹی ٹیوٹ کے ایل جی بی ٹی کیو آئی اے پلس نوجوان فنکاروں کے چھ فن پارے نمائش کے لیے  رکھے گئے ہیں ، جو ملک کی سب سے پرانی ایل جی بی ٹی کیو آئی اے پلس نوجوانوں کی تنظیم ہے اور بنیادی طور پر ٹرانس نوجوانوں کی خدمت کرتی ہے۔ گریسی مینشن کی تنصیب کو ڈیوین اسپارکلز اور آرٹورو فاریرو نے ڈیزائن کیا تھا، جس میں خود کی عکاسی، محبت، اندرونی خوبصورتی، خوشی اور ایل جی بی ٹی کیو آئی اے پلس افراد کے طور پر ان کے ذاتی سفر پر توجہ دی گئی تھی۔اس موقع پر میئر ایڈمز نے کہاکہ ہم سٹی ہال اور گریسی مینشن دونوں کو ایسی جگہوں میں تبدیل کرنا چاہتے تھے جو نیویارک کے تمام شہریوں کو خوش آمدید کہیں، بشمول ہماری ایل جی بی ٹی کیو آئی اے پلس کمیونٹی کے ۔ نیویارک کے لوگ جو گریسی مینشن کے ‘پیپلز ہاؤس’ میں داخل ہوتے ہیں یا سٹی ہال کے ہالز میں چہل قدمی کرتے ہیں اب وہ ہمارے شہر کے ایل جی بی ٹی کیو آئی اے پلس کے تجربے اور اس کے ذریعے بنائے گئے فن میں جھلکتے ہوئے دیکھیں گے۔ ہماری انتظامیہ کو اس مہینے ان فنکاروں کو منا کر اپنا فخر ظاہر کرنے پر فخر ہے جنہوں نے آرٹ کی آفاقی زبان کے ذریعے اپنا ذاتی سفر بیان کیا۔اس طرح کے اقدامات نہ صرف مختلف کمیونٹیز کی شناخت اور تاریخ کو تسلیم کرتے ہیں بلکہ انہیں مزید مضبوط بھی بناتے ہیں۔