شکاگو: پاکستانی فزیشنز سوسائٹی (پی پی ایس) کا سالانہ اجلاس اور گالا نیپرویل کے ایمبیسی سویٹس میں 25 اکتوبر 2025 کو منعقد ہوا، جس میں امریکہ اور پاکستان کے ماہرینِ صحت نے طب، سماجی فلاح اور انسانی خدمات کے فروغ پر تبادلہ خیال کیا۔
ایونٹ کا آغاز تلاوتِ قرآنِ پاک اور پاکستان و امریکہ کے قومی ترانوں سے ہوا۔ تقریب میں 400 سے زائد مہمانوں نے شرکت کی، جن میں اے پی پی این اے کے صدر منتخب ڈاکٹر آفتاب خان، پاکستان کے قونصل جنرل زمان مہدی، شکاگو سٹی کی خزانچی میلیسا ایرون اور کُک کاؤنٹی کے مبصر فریڈرک کیگی شامل تھے۔تقریب میں پی پی ایس کے عہدیداران نے سالانہ رپورٹس پیش کیں، جبکہ صدرِ پی پی ایس ڈاکٹر تہمینہ باجوہ نے 2025 میں تنظیم کی کامیابیوں اور جاری منصوبوں پر روشنی ڈالی۔ انہوں نے نمایاں خدمات انجام دینے والے معالجین کو ایوارڈز بھی دیے۔ اس موقع پر شکاگولینڈ کے صحافی سید خلیل اللہ کو بھی خصوصی اعزاز سے نوازا گیا۔ایونٹ کے آخر میں معروف گلوکار علی پرویز مہدی نے موسیقی پیش کی، جس نے تقریب کو یادگار بنا دیا۔ پی پی ایس ایک غیر منافع بخش تنظیم ہے جو امریکہ اور پاکستان میں صحت، تعلیم اور سماجی فلاح کے لیے خدمات انجام دے رہی ہے۔