امریکا میں یوروگوئے سے تعلق رکھنے والے ایک شخص نے وینزویلا کے سرکاری عہدیداروں سے متعلق پابندیوں سے بچنے کے لیے غیر قانونی طریقے سے رقم منتقل کرنے کا جرم قبول کر لیا ہے۔
حکام کے مطابق ملزم نے امریکا کے مالیاتی نظام کو استعمال کرتے ہوئے خفیہ طور پر رقم منتقل کرنے کی سازش کی۔عدالتی دستاویزات کے مطابق 60 سالہ ملزم نے ڈومینیکن ریپبلک سے تقریباً ایک لاکھ ڈالر نقد رقم امریکا منتقل کرنے پر رضامندی ظاہر کی، جس کے لیے جعلی انوائسز اور مختلف بینک اکاؤنٹس استعمال کیے گئے۔ رقم کو خفیہ رکھنے کے لیے کوڈ ورڈز بھی استعمال کیے گئے تاکہ لین دین کو چھپایا جا سکے۔حکام کے مطابق ملزم اور اس کے ساتھی نے اس کام کے عوض 20 فیصد کمیشن لینے کا منصوبہ بنایا تھا۔ تفتیش کے دوران یہ بھی انکشاف ہوا کہ مذکورہ رقم ایک ایسے فرد کی تھی جس پر امریکا کی جانب سے پابندیاں عائد تھیں، اور اسے خفیہ طور پر امریکا منتقل کیا جانا تھا۔امریکی حکام کا کہنا ہے کہ ملزم نے بغیر لائسنس منی ٹرانسمیشن کاروبار چلانے کی سازش کا اعتراف کیا ہے اور اسے زیادہ سے زیادہ 5 سال قید کی سزا ہو سکتی ہے۔ کیس کی مزید سماعت جون میں متوقع ہے، جبکہ تحقیقات میں بین الاقوامی سطح پر بھی تعاون حاصل کیا گیا۔