لندن میں ون ینگ ورلڈ اور روشے نے مشترکہ طور پر “روشے اسکالرشپ 2026” کا اعلان کر دیا ہے، جس کا مقصد نیشنل ہیلتھ سروس (NHS) سے وابستہ نوجوان پیشہ ور افراد کو عالمی سطح پر قیادت کے مواقع فراہم کرنا ہے۔
اس اسکالرشپ کے تحت منتخب امیدواروں کو 3 سے 6 نومبر 2026 تک کیپ ٹاؤن میں ہونے والے ون ینگ ورلڈ سمٹ میں شرکت کا موقع دیا جائے گا، جہاں وہ عالمی رہنماؤں، ماہرین اور چینج میکرز کے ساتھ تبادلہ خیال کریں گے۔منتخب افراد کو مکمل فنڈڈ پیکج فراہم کیا جائے گا، جس میں سفری اخراجات، رہائش، کھانے اور دیگر سہولیات شامل ہیں۔ یہ پروگرام خاص طور پر ان نوجوان رہنماؤں کے لیے ہے جو صحت کے شعبے میں پائیدار ترقی، مساوات اور جدید حل پر کام کر رہے ہیں۔درخواستیں 16 مارچ 2026 سے شروع ہو چکی ہیں جبکہ آخری تاریخ 6 مئی 2026 مقرر کی گئی ہے۔ ماہرین کے مطابق یہ اسکالرشپ نوجوان NHS پروفیشنلز کے لیے عالمی سطح پر اپنی صلاحیتیں منوانے کا ایک اہم موقع ہے۔