پاک امریکا آرگنائزیشن فار ورکرز ایجوکیشن اینڈ دیئر فنڈامنٹل رائٹس کی نو منتخب قیادت کی حلف برداری کی تقریب لانگ آئی لینڈ میں منعقد ہوئی، جس میں تنظیم کے عہدیداران، معزز مہمانوں، سماجی شخصیات اور میڈیا نمائندگان نے شرکت کی۔
تقریب محفل ریسٹورنٹ میں منعقد کی گئی، جہاں نئی قیادت کا باضابطہ تعارف کرایا گیا اور آئندہ سال کے منصوبوں، کمیونٹی پروگرامز اور فلاحی اقدامات کے حوالے سے تفصیلی بریفنگ دی گئی۔ تقریب میں شرکت صرف دعوت نامے کے ذریعے ممکن بنائی گئی تھی۔اس موقع پر تنظیم کی جانب سے بتایا گیا کہ ادارہ کمیونٹی آؤٹ ریچ پروگرامز، مستحق خاندانوں کی معاونت، ذہنی صحت سے متعلق آگاہی، خواتین کو بااختیار بنانے کے اقدامات اور ضرورت مند افراد کو خوراک اور بنیادی سہولیات کی فراہمی کے منصوبوں پر کام جاری رکھے گا۔ نئی قیادت نے لانگ آئی لینڈ اور دیگر علاقوں میں کمیونٹی شراکت داری کو مزید مضبوط بنانے اور خدمات کا دائرہ وسیع کرنے کے عزم کا اظہار کیا۔یہ اعلامیہ تنظیم کی بانی طاہرہ کی جانب سے جاری کیا گیا، جبکہ تقریب کو آئندہ منعقد ہونے والی چاند رات کمیونٹی سرگرمیوں کی تیاریوں کے سلسلے کی اہم کڑی قرار دیا گیا۔