نیویارک سٹی کے میئر ایرک ایڈمز نے کمیشن آن یونیورسل آفٹر اسکول کی عبوری رپورٹ پر بیان جاری کرتے ہوئے کہا ہے کہ شہر میں “آفٹر اسکول فار آل” کے ہدف کو حاصل کرنے کے لیے ایک وسیع اور مضبوط اشتراک ناگزیر ہے۔
ان کا کہنا تھا کہ اس مقصد کے تحت کمیونٹی پر مبنی اداروں، وکالتی تنظیموں، فلاحی شعبے اور کاروباری قیادت کو ایک پلیٹ فارم پر لایا گیا تاکہ ایک ایسا طویل المدتی اور پائیدار نظام تشکیل دیا جا سکے جو غیر منافع بخش اداروں کو عملہ بھرتی کرنے، تربیت بہتر بنانے اور معیاری پروگرام فراہم کرنے میں معاون ہو۔میئر ایڈمز نے کمیشن کی اب تک کی کوششوں پر ان کا شکریہ ادا کرتے ہوئے کہا کہ رپورٹ میں پیش کی گئی اہم سفارشات آئندہ مرحلے کی سمت متعین کریں گی۔ ان کے مطابق رپورٹ نے واضح کر دیا ہے کہ (K–5) درجوں کے لیے آفٹر اسکول پروگرامز کی طلب اب بھی پوری نہیں ہو پا رہی، جس سے آئندہ توسیع کے لیے درکار وسائل کی نشاندہی ممکن ہوئی ہے۔ رپورٹ میں اس غیر منافع بخش افرادی قوت میں سرمایہ کاری کی ضرورت پر بھی زور دیا گیا ہے جو معیاری پروگراموں کی بنیاد ہے، جبکہ شہر بھر میں شراکت داری اور تعاون کو یکساں اور مؤثر بنانے کے لیے نظامی ہم آہنگی کو مضبوط کرنے کی اہمیت کو بھی اجاگر کیا گیا ہے۔میئر نے کہا کہ رپورٹ اس بات کی بھی نشاندہی کرتی ہے کہ نگرانی اکے درمیان توازن قائم رکھنا ضروری ہے تاکہ پروگراموں کے معیار کو برقرار رکھا جا سکے، اور اس بات کو یقینی بنایا جائے کہ زیادہ ضرورت مند طلبہ آفٹر اسکول مواقع تک مکمل رسائی حاصل کر سکیں اور ان سے بھرپور فائدہ اٹھا سکیں۔ ان کے مطابق یہ اقدامات ہر بچے کے لیے ایک محفوظ اور معاون تعلیمی ماحول فراہم کرنے اور مستقبل کے لیے ایک مضبوط اور پائیدار نظام تشکیل دینے کے لیے ناگزیر ہیں۔