شکاگو کے مضافاتی شہر نیپر ویل میں "گولڈن ڈیوا آف بالی ووڈ – مادھوری ڈکشٹ” کا لائیو پروگرام منعقد ہوا۔
پروگرام کو معروف موج انٹرٹینمنٹ، راجشی ایونٹ اور کاشف خان ایونٹس نے مشترکہ طور پر منظم کیا۔ یہ تقریب مادھوری ڈکشٹ کے فلمی کیریئر کے 40 سال مکمل ہونے کا شاندار جشن تھی، جو دی میٹرکس کلب میں ہوئی۔شکاگولینڈ میں اس فروخت شدہ اور ناقابل یقین ایونٹ میں جنوبی ایشیائی اور پاکستانی امریکی کمیونٹی کی بڑی تعداد نے شرکت کی۔ مادھوری ڈکشٹ نے ماضی کی یادیں تازہ کرنے کے لیے اپنے مشہور گانوں کی شاندار پرفارمنس دی اور شو کے دوران زبان اور لہجے کے فرق پر بھی روشنی ڈالی۔ میٹ اینڈ گریٹ سیشن میں مداحوں کی بڑی تعداد نے انہیں قریب سے دیکھنے کا موقع پایا۔شام بھر مختلف ڈانس گروپس نے متحرک پرفارمنس پیش کیں، جبکہ منتظمین نے اسٹیج پر آ کر ٹیموں، اسپانسرز اور حاضرین کا شکریہ ادا کیا۔ مادھوری ڈکشٹ نے شو کے اختتام پر مداحوں کی تعریف کی اور کہا کہ ایسے پروگرام ہمیشہ ناقابل فراموش رہتے ہیں۔اختتام پر مادھوری نے اپنی خوبصورت آواز میں کچھ گانے پیش کیے اور متعدد فنکاروں، ماڈلز، اداکاروں اور معروف شخصیات کو ان کے تعاون کے اعتراف میں ایوارڈز پیش کیے۔ یہ پروگرام شمالی امریکہ کے دورے کا حصہ تھا، جس میں نیویارک، ٹورنٹو، نیو جرسی، بوسٹن اور ہیوسٹن میں پرفارمنس بھی شامل تھی۔