مین ہٹن(ویب ڈیسک) نیویارک کے علاقے مڈ ٹاؤن مین ہٹن میں ایک نامعلوم شخص نے بار کے باہر ایک نوجوان پر چاقو سے حملہ کر دیا۔ واقعے میں نوجوان شدید زخمی ہوگیا۔
پولیس کے مطابق واقعہ ویسٹ 51 اسٹریٹ پر صبح 2 بج کر 30 منٹ کے بعد پیش آیا، جہاں 27 سالہ نوجوان پر چاقو سے حملہ کیا گیا۔ پولیس اہلکار جب جائے وقوعہ پر پہنچے تو نوجوان کے بائیں بازو پر گہرے زخم موجود تھے۔ ریسکیو ٹیم نے متاثرہ شخص کو فوری طور پر بیلویو اسپتال منتقل کیا، جہاں اس کی حالت اب مستحکم بتائی جا رہی ہے۔ پولیس نے واقعے کی تفتیش شروع کر دی ہے لیکن اب تک کوئی گرفتاری عمل میں نہیں آئی۔ حکام کے مطابق واقعے کی وجوہات جاننے کے لیے سی سی ٹی وی فوٹیج اور دیگر شواہد کا جائزہ لیا جا رہا ہے۔