منشیات سے حاصل ہونے والی کروڑوں روپے کی رقم رئیل اسٹیٹ اور فلم انڈسٹری میں لگائی
نئی دہلی:فلم پروڈیوسر کو مبینہ طور پر 2000 کروڑ روپے کی منشیات ملک سے باہر اسمگل کرنے کے الزام میں گرفتار کیا گیا ہے۔ نارکوٹکس کنٹرول بیورو (این سی بی) نے ہفتہ کو بتایا کہ جعفر صادق، ڈی ایم کے کے ایک سابق کارکن جنہوں نے تامل فلم انڈسٹری میں کام کیا ہے، 15 فروری سے فرار ہے۔NCB نے صادق کو انڈیا-آسٹریلیا-نیوزی لینڈ منشیات کی سمگلنگ نیٹ ورک کا "کنگ پن” قرار دیا ہے، جس نے آسٹریلیا اور نیوزی لینڈ کو 2,000 کروڑ کی منشیات اسمگل کیں۔این سی بی کے ڈپٹی ڈائریکٹر جنرل گیانیشور سنگھ نے کہا، "اس نے 45 پارسلوں میں 3,500 کلوگرام سیڈو فیڈرین آسٹریلیا بھیجی ہے۔” سیوڈو فیڈرین کو ناریل اور خشک میوہ جات میں چھپا کر بیرون ملک بھیجا گیا تھا۔ یہ میتھمفیٹامین، یا کرسٹل میتھ کی تیاری میں استعمال ہوتا ہے،انہوں نے کہا کہ صادق ترواننت پور، ممبئی، پونے اور حیدرآباد کے راستے جے پور فرار ہو گیا تھا۔اس نے منشیات کی اسمگلنگ کے ذریعے کروڑوں روپے کمائے اور منشیات کی رقم کو رئیل اسٹیٹ اور فلم پروڈکشن میں لگایا تھا ۔صادق نے اب تک چار فلمیں بنائی ہیں جن میں سے ایک اس ماہ ریلیز ہونے کی امید ہے۔
